قررت انتحر.......
الدنيا وحشة اوى
الحياة صعبه
همومى كتيررر
مشاكلى اكترررر
وبالفعل
قفزت من الدور العاشر
من العمارة عندنا
فى الدور 9
عارفين شوفت مين
احمد ومنى
اللى كانوا متجوزين عن حب
يا عينى بيتخانقوا وصوتهم عالى
على مشاكل الاولاد
وفواتير الميه
والكهربا
والخرس الزوجى
والحب راح
ومبقاااش غير المشااكل
فى الدور8
شوفت ايمان بنت ام ايمان
اللى اتخطبت قريب
منهاااارة وبتعيط
بعد ما كانت فرحانه بالخطوبه
الواد خطيبها مزعلها اوى
فى الدور7
شوفت الواد حمادة الامور
ده مؤدب اوى
ومحترم ومش بياذى حد
عنده حالة اكتئاب
فى ثانويه عامة
بعيد عنكووو
شويه يذاكر
وشويه يقفل على نفسه ويزعل
والبيت عندهم كلوو متنكد بسببه
اخواته
وباباه
ومامته تعبت اوى بسبب حالته
فى الدور6
شوفت الست منال
قاعدة هيا وجوزها بيتفرجوا ع التلفزيون
وكل ما ييجى اطفال
دمعتها تنزل
مهمومة بسبب الخلفه
فى الدور5
شوفت الاستاذة مديحة
زى القمر
جمال واخلاق
لكن بيقولوا عانس
يا عينى كبرت ومحدش خطبها
وهيا زعلانه اوى عشان بيقولوا عليها
عاااانس
فى الدور4
شوفت تيته فاطمة
وجدوو حسن
قاعدين بيفكروا فى عيالهم
اللى محدش فيهم
افتكرهم
لما كبروا
وبقوا لوحدهم
بعد ما تعبوا وربوا
حالتهم صعبه اوى
فى الدور3
شوفت البت شهد
البت دى عسل
لبست النقاب عشان تمنع
عنها المعاكسات
راجعه معيطة من الجامعه
عشان مشاكل النقاب
تايهة يا عينى
بين الجينز المحذق
والفيديو كليبس
والفيس بوك
وغيرووو
شويه كده وشويه كده
فى الدور2
شوفت محمد
الواد دة كان موس فى الدراسه
خلص من 3 سنين
ولا عارف يشتغل
ولا عارف يتجوز
ياااااااه
صعب
قبل ما اوصل
الدور الاول
زعلانة و باعيط زعلانة و باعيط زعلانة و باعيط
معقول مفيش حد مرتاااح
فى ثانية غيرت رايى
لما شوفت اللى فى الدور الاول!!!!
شوفت
الاستاذ مؤمن
ومراته
الراجل ده عجيب
عنده كل المشاكل دى
تخيلوا
ابنه مشتغلش
بس بيهون عليه
ويساعده وعمره ما جرحه بكلمه
وبيدورله على شغل
لعل وعسى
بنته متجوزتش
بيكلمها ويفهمها
ان ده رزق
طالما هيا كويسه
خلاص
ملهاش دعوة بالناس
بنته التانيه فى الجامعه
بيفهمها ايه الصح من الغلط
وبلاش تقلد اى حاجة فى طريقها
عندوو اصغر واحد فى
عماويه سامه يوه قصدى ثانوية عامة
ديما يقوله
ان ربنا مش بيضيع تعب حد
ومش معنى انه يضغط على نفسه فى المذاكرة
لا
يذاكر براحه ويدعى ربنا
والمجموع ده بتاع ربنا
ده غير
الضغط
والسكر
ومشاكل صحته
هوه سلمها لله
ومحدش بيموت ناقص عمر
واهو بيحافظ ع الادويه
ويخد باله من نفسه
دلوقتى
بسألكم
هل الدنيا
التى لا تساوى عند الله
جناح بعوضه
تستاهل نخسر اخرتنا
بسببها
كلنا فى الهم سوااء
يا ترى الحل
اننا نخسر اخرتنا
خليها على الله
منقول