Admin رئيس مجلس الإدارة
الجنس :
عدد المساهمات : 751 تاريخ التسجيل : 19/07/2009 العمر : 46 الموقع : www.ranwa222.ahlamontada.com
| موضوع: سؤال محرج...هو حضرتك بتلبسى مايوه وتفضلى تتنططى فى برنامج صباح الخير يا مصر ليه؟ 2011-01-18, 10:26 pm | |
| الساعة 6 الصبح....
لسة مفيش اى مشكلة كله نايم وحس ومفيش اى حاجة شششششششششت
الساعة 7 الا خمسة...
برضه لسه مفيش اى مشكله...كله فى سابع نومه والحياة حلوة والدنيا سكون
الساعة...........7
ترررررررررررررررررررررررررررررررن
كل المنبهات تضرب وتلاقى كل الناس صحيت وتلاقى الكل فط من على السرير جرى على القناة الاولى وتلاقى كل الاولاد اللى فى المدارس ظابطين الموبايلات تصحى وتلاقيهم كلهم بيتصلوا ببعضيهم
اصحى يا محمد من النوم يا محمود سيبنى انام انا مش رايح ولا مدارس ولا بتاع وقلهم انى انتحرت..سيبنى انام انا تعبان ...ابقى حضرنى انت
ياد اوم...صباح الخير يا مصر اشتغلت تلاقى الواد فط من على السرير وجرى على التليفزيون وبسرعة ام منادى على عوضين البواب وعوضين البواب يرن كل اجراس العمارة والعمارة كلها تصحى واللى ليه حد مسافر بره يتصل بيه دولى بسرعه عشان يصحيه ..وساعات بيعملوا صالات عرض فى باقى الدول حتى القهاوى تلاقيها فتحت ورصت الكراسى وزودت سعر المشروب فى الوقت دة بالذات
كل دة ليه.........عشان صباح الخير يا مصر
تلاقى كام بنت بنات بنات يعنى لابسين مايوهات متجسمه وطبعا دول مش للعرض كدة فقط اكنهم موديلز
دول يفضلوا يقولوا الجملة الشهيرة بتاعتهم
الهوبا يمين...الهوبا شمال حبة فوق...وحبة تحت يالا يمين فوق هوبا تانى..يالا معايا النطة سوا ويالا ننام على ضهرنا ونعمل حركة البدال ويالا نقف على دماغنا ونعمل حركات عيال
لا انا عايزة حماسة...اهم حاجة الضمير...اعملوا التمرينات بضمير وابذلوا كل جهدكم
اى كلام فى اى كلام...انا مش متخيل الناس دى ازاى تعمل كدة واحدة ست او بنت تلبس مايوه وتفضل تتقصع يمين وشمال وهوبا فوق وهوبا مش عارف ايه وتفضل تهز فى مفاتينا بالمايوه...دة يا جماعة هو التقدم؟
هو المايوه مش حرام اذا كان نيتك خير وهو انك بتعملى بيه رياضة؟ دة على اساس مثلا انك بتلعبى رياضة فوق سطوح بيتكم مثلا؟
دة امام كاميرا يشاهدها المليارات انتى مش مكسوفة؟؟؟؟؟؟؟؟؟؟؟؟؟؟؟....
ويا ترى لما اشوف واحدة وراها كذا بنت امامير ولابسين مايوهات عمالين يعملوا حركات قدامى ويفضلوا يتهزوا يا ترى اللى هيتفرج دة هيتفرج على ايه؟ ايه الفرق بينهم وبين القنوات الخليجية اللى بتعرض ليل نهار رقص وهزهزة وقلة ادب
هو هزهزة الرقص غير هزهزة التمرينات؟ هو المايوه فى البحر غير المايوه فى التمرين؟ هو المايوه دة مش ليه مسمى اخر بلدى شوية وصعيدى ومتأخر معلش اسمه ملابس داخلية؟ انا عارف ان اللفظ رجعى جدا ومتأخر ومش مع الموضه...بس اعتقد والله اعلم انه مش مع الدين برضه
اعزرونى على جهلى جايز انا غلط معلش
لا حول ولا قوة الا بالله ...والحمد لله معشر الرجال على نعمة العقل...واللى يعيش ياما يشوف ويضحك
بسبب الموضوع دة اكتشفوا ان نسبة التأخير بتاعت الموظفين زادت..لان الموظفين بقت تقعد قدام التليفزيون تتفرج قبل ما تنزل وسعات بتغيب ولقوا فى المدارس ان نسبه غياب الحصة الاولى 99.9% لان الشباب بيكتوا على القهوة يتفرجوا على صباح الخير يا مصر ويرجعوا المدرسة تانى ...حد ينزلهم سلم من الشباك ويطلعوا عليه
يعنى الموضوع ادى الى مشاكل وضياع وموظفين بتتأخر على شغلها مما يضر بالمصلحة الاسرة...ومصلحة الدولة العليا ....ومنها طبعا على المواطن فى النهاية...يعنى مستقبل جيل شعب واجيال
والطلاب يا عينى لما تلاقيهم جايبين ستين فى الميه واللى جابت فعلا 15% جت السنة دى فى الجرنال...دة ايه السبب
ايه السبب فى دمار احلام الطلاب وعدم دخولهم الطب والهندسة والكليات اللى عايزين يدخلوها
السبب هو بنات صباح الخير يا مصر..
انا بحملهم المسئولية كاااااااااااااااملة
بالذات البنت اللى بتقف على اليمين قبل الاخيرة...انا عايز اعرف اسمها ايه والنبى
ارجو من السادة المسئولين سرعة التصرف لان الشباب مش ناقص
ومفيش واحدة تقف بمايوه وتفضل تتنطط وتتهز ونقول دة تقدم وخليك متحضر ومتبصشّّّّ!!!!!
احنا هنضحك على بعضينا ولا ايه؟
انا مرة كنت ماشى جمب حضانة فلاقيت علبة بسكويت مرمية قلت ادخل الحضانة اشوف وقعت من انى طفل اديهالة بدل ما يشيل فى نفسه ويجيله شوجر ولا حاجة
دخلت يا جماعة...واه من اللى شفته
لاقيت التليفزيون محطوط ومشغلين صباح الخير يا مصر ولاقيت كل الاطفال متابعين وبيقولوا نفس الكلمة الشهيرة
الهوبا يمين...الهوبا شمال حبة فوق ..وحبة تحت
يعنى الموضوع كمان اثر على البنية التحتية لمصر..انهم اطفال المستقبل...زهرة شبابنا....الطفولة البريئة يا ناس
طاب بزمتكم وانا راضى زمتكم...البنت ولا الواد فى دول لما فى الحضانة وبيشوف كدة لما يدخل اعدادى هيعمل ايه؟
يا جماعة مش هينفع كدة...الموضوع كل يوم بيزيد انا كل يوم بتابع البرنامج من اول الافتتاحية الموسيقى لغاية ما المذيع يمشى طبعا عشان بس اتابع القضية يعنى مش عشان حاجة...احم ..انا صاحب رسالة
يا ترى راى البنات ايه؟ طبعا كلهم هيحطوا وشهم فى الارض ويعملوا نفسهم مش واخدين بالهم او يقولوا...دة راجل رجعى ومتخلف لو واحدة ليها راى غير كدة يا ريت نسمعه ويا ريت الشباب اللى ميهمهاش البنات تقول عليها متخلفين ورجعيين يقولوا رئيهم بصراحة
وارجو من كل من يهمه الامر انه يتخلص من التليفزيون اللى عنده فورا حفاظا على مستقبل اطفاله واولاده من الضياع...لانهم هيسهوه وهيتفرجوا فالحل الوحيد ان كله يبيع التليفزيونات بتاعته وانا هشتريها منه بسعر الجملة وهكرمه فيها على فكرة بس التنضيف عليه... يراسلنى على الخاص بس
احنا يهمنا مصلحة البلد | |
|
nana المدير العام
الجنس :
عدد المساهمات : 445 تاريخ التسجيل : 05/01/2010 العمر : 46
| موضوع: رد: سؤال محرج...هو حضرتك بتلبسى مايوه وتفضلى تتنططى فى برنامج صباح الخير يا مصر ليه؟ 2011-01-20, 12:59 am | |
| لا حول ولا قوة الا بالله لو كان ده هم شبابنا الان فى مصر فاين مصر مما يحدث فى كل الدول العربية يا جماعة الحجاب عفة طهارة كرامة نقاء مش تقولولى المايوة وكمان خيفين يقولوا عليكم رجعيين !!! حسبى الله ونعم الوكيل فى كل راعى غير مسئول عن رعيتة | |
|
Admin رئيس مجلس الإدارة
الجنس :
عدد المساهمات : 751 تاريخ التسجيل : 19/07/2009 العمر : 46 الموقع : www.ranwa222.ahlamontada.com
| موضوع: رد: سؤال محرج...هو حضرتك بتلبسى مايوه وتفضلى تتنططى فى برنامج صباح الخير يا مصر ليه؟ 2011-01-20, 6:36 pm | |
| شكرا لمرورك الذي يزيد الموضوع قوة وإشراقة | |
|