السلام عليكم ورحمه الله وبركاته
عملت امبارح تورته ايس كريم طلعت روعه
والكل كان حيتجنن ان انا اللى عملتها محدش كان مصدق
هههههههههههههههههه
فقلت اقول لاخواتى على الطريقه لان الكبار والصغيرين حيحبوها وبالذات فى الصيف
كفايه رغى بقى
ههههههههههههههه
اول حاجه حنعمل التورته
انا عملت التورته فى صنيه مربعه
التورته حتطلع اسفنجيه خفيفه
المقادير كوب وربع دقيق -كوب سكر -كوب لبن -ربع كوب زيت-بيضه واحده-فانيليا ظرف واحد-بيكنج بودر ظرف واحد
حنفق الحاجات بمضرب البيض الكهربائى حنحط البيضه مع الفانيليا مع السكر ونضربهم كويس جدا لغايه اما يبقوا زى الكريمه بعد كده حنحط الزيت ونخفق والحليب ونخفق
اخر حاجه حنكون حنحط الدقيق مع البيكنج حيكونوا منخولين الاتنين مع بعض
ونخفق بس مش كتير بعد منحط الدقيق يادوب بس لغايه اما الخليط يتجانس
حندهن على الصينيه زيت ودقيق
التورته انا كنت حاطها فى صنيه مربعه اخدت منى وقت15-20دقيقه
نيجى بقى للايس كريم
حنسيب الكيكه تبرد
الايس الكريم حنجيب العلب البودره انا حطيت للتورته امبارح تلات علب نفس النوع بالفراوله كل علبه حطتلها تلات ارباع كبايه لبن وحطيت كمان نصف ظرف كريمه دريم ويب علشان متبقاش ايس كريم التلج فيها
حنضرب كل ده وحنطهم فوق التورته لما تبرد ونحطهم فى الفريزر علشان يجمد
نيجى بقى للطبقه الاخيره الكريمه
جبت باقى ظرف الكريمه الدريم ويب وظرف تانى كمان وضربتهم فى لبن زى ممكتوب على الظرف
دهنت طبقه كريمه فوق الايس كريم وبالباقى كتبت على التورته
وطلعت رووووووووووعه
طبعا معرفتش اصورها لانها اتنسفت
جربوها وادعولى